ولا مين اللي ابتدي
ولا مين اللي جرح
والله اخرك ندم
يمكن معاه حبة الم
اخرك دموع
من غير تفسير
حلم ومات صغير
احساس كان غريب
شعور يحير
مرارة حلق جوا العسل
طعمه ممرر
من غير مانرجع اللي فات
ولا نفتح صناديق
ولا تفتيش في ذكريات
اللي راح راح
واللي كنا حسينه
اتكفن خلاص ومات
واللي في يوم كتبناه
حرقناه
وهو يعني ينفع
تنفخي في حبة رماد
ولا بايدك تقدري
ترجعيني بالذكريات
سيبك مني وعيشي حياتك
وكل ماتحسي بشوقي
اقري الفاتحه علي الاموات
حاولي تنسي يلا وروقي
وافتكري لما في يوم خنتي
يومها احساسي بيك مات
اخرك دمعة جوا العين
ولماتحسي حنين
حسي انين
حسي بوجعك
هو ده اللي فاضلك
اقسم بالله
ده كان اخرك
احمد عبدالحق
ليست هناك تعليقات:
إرسال تعليق