احاسيس بقلم شاعر الغلابة محمد عبد المريد محمد

احاسيس ....

...

احساس عجيب ..

لما تلاقي عمرك كله دقايق وبتتسرق !!

احساس غريب ..

لما يكون نجاحك في كارت وبيتحرق !!

احساس كئيب ..

 لما تمد ايدك لصاحبك في بحر تلاقيه غرق !!

احساس رهيب ..

لما تحن لحبيبك وانتم في مفترق طرق !!

احساس مريب ..

لما تشوف شريط حياتك عباره عن شوية ورق !!

..

احساس موجوع ..

انك تعشق والطرف الاخر جاهل !!

احساس ممنوع ..

انك تكون قدام خصيمك متساهل !!

احساس مدفوع ..

انك تضحي بنفسك والاخر متجاهل !!

احساس مقطوع ..

انك تكون بحر عطف والكل منك ناهل !!

احساس بلادموع ..

انك منتظر الخير من فرد مش ساهل !!

..

احاسيس جباره ساكنه ومكاره .

مشاعر واثاره معظمها تجاره !!

بس ياخساره ؟؟

احيانا مقبوله ..وغالبا غداره ...!!

.... وعجبي !!!

..

مع تحياتي 

شاعر الغلابه 

محمد عبدالمريد محمد