قصيدة : شمس الحب
اهداء لكل النساء بمناسبة عيد الام
و لروح امي
امي ياغالية ياأطيب قلب
كلك طيبة ورحمة وحب
علمتينا يا امي نحب
عودتينا ع الصفا والحب
حبك لينا دا اجمل حب
حب صحيح طالع م القلب
كل ما نكبر حبك يكبر
ما انتي يا امي الحب واكتر
لو يوم غيبتي
يغيب الحب عن دنيانا
ما انتي ياامي
شمس الحب اللي بترعانا
عمرك كله وهبتيه لينا
وفكرك كله مشغول بينا
بتدوري ع اللي بيرضينا
مدي اديكي ياأمي خدينا
دفينا في حضنك دفينا
واروينا من نهر الحب
امي ياغالية ياأطيب قلب
كلك طيبة ورحمة وحب
علمتينا يا امي نحب
عودتينا ع الصفا والحب
يوم لعيدك مش كفاية
دا انتي عايزة الف عيد
يحتفلوا بيك الناس معايا
واشعر فيك واقول واعيد
يوم لعيدك مش كفاية
حتي مليون عيد قليل
ده مهما كبرت يا امي صغير
هففضل محتاجلك دليل
ومهما ابوس اديك ورجلك
مش هوفي يا امي الجميل
الشاعر الصحفي
دكتور ابراهيم القماش
مصر
ليست هناك تعليقات:
إرسال تعليق