لعبتها صح أكيد && بقلم الشاعرة المبدعة && سميرة ريان

لعبتها صح اكيد
وبعترف انك استاذ عميد
في الدناءة والمفهومية
وانا ياعيني اكبر غبية
كبرت دماغي منك خلاص
ومبقاش ينفع معاك إخلاص
خلينا بعاد وبلاش نتوه
ونعاني في بحرك بالدموع
عشرتنا خلاص استحالت
وعواطفنا بردت ومالت
انت اللي بديت
وهجرت وربنا أعلم
وانا هرد الدين والبادي اظلم
ولسه ليك عين تتكلم
وتهزق وعامل فيها معلم
تعبت اسامحك
لغاية ماالسماح تعب مني
وتعبت احايل فيك
 وانت ولا شايل همي
ده العيب لو خرج من اهل العيب
ميبقاش عيب
والنذل طول عمره هيفضل ذيب
بقلمي سميرة ريان