جبت أخرتها معاك && بقلم الشاعرة المبدعة && سميرة ريان

جبت اخرتها معاك
والكلام وياك خسارة
تعبت اسايس فيك
انت في الغدر استاذ  بجدارة
لقيت لعبة تانية جديدة
لافض فوك
قمت بايعني بحقارة
عشرتك مرة وكلامك قاسي
وعامل فيها معلم بشطارة
لا اتفضل والقلب دعيلك
ياشهريار  الغدر بمهارة
قبلتك بعيوبك
ولا اشتكيت
 ولاقولت ياخسارة
بس الناقص ناقص
وقليل الاصل
 صعب عليه الحضارة
الومك مش فارقة معاك
ماهي هي العبارة
ماهو
في ناس كلامها تمام
وناس تمامها كلام
وناس  عشرتهاصعبة بمرارة
وانت الله عليك
 بتدوس ع العشرة بشرارة
اقولك انساني
وبلاش منها عمارة
بقلمي سميرة ريان