مفكر حالك مين بقلم الشاعرة ملك محمود الاصفر
مفكر حالك مين
................................
بتسمع بالمنطق سعادة
خليك مهذب أرقالك
إنت مفكر حالك مين
يوسف الحسن بجمالك
ولا مفكر حالك عنتر
ما حدا بيوقف قبالك
إهدا وإصحى وروق شوي
البطولة شيلا من بالك
..................
عما تعلا وتوطى ليش
وعلى شو دخلك شايف حالك
لالك أغا ولا وزير
ولا حاتم الطائي خالك
لكبير بأفعالو كبير
وإنت شو هية أعمالك
كلامك عم يأذي الغير
وعم تتفشور دوم بحالك
..................
الرجولة بتعني أخلاق
وإنك تنصف يلي قبالك
لاتغلط بحق الناس
ولا تظلم أهلك وعيالك
لحالك ما فيك تعيش
والناس بتكره أمثالك
خليك بالأخلاق كبير
وخليك لطيف بأقوالك
..................................
ملك محمود الأصفر
تعليقات
إرسال تعليق