......(إنت مين ؟)......
***
إنت قلب ولا روح ولا عين
-ولا نسمة صيف طريه
تروي شوق العطشانين
-ولا نجمة ليل تنور
دنيتي طول السنين
=إنت مين؟؟
-إنت نور ساحب هوايا
يسعد القلب الحزين
-ولا سكة عمر عاشق
مش عارف طريقه فين
-ولا فجر ونوره الأبيض
يمحي ليل السهرانين
=إنت مين؟؟
-إنت قلب يضم قلبي
يحمي حب المغرمين
-ولا روح دايره ف سمايه
تتوجد في كل حين
-ولا عين تحرس حياتي
شايله وياها الحنين
=إنت مين؟؟
-إنت أمسي ولا يومي ولا بكره
ولا عمر سنين حزين
-ولا حب سكن ف دمي
ولا بر نجاه أمين
-ولا ليلة قدر نازله
عارفه باب الموعودين
=إنت مين؟؟
=إنت مين؟؟
****
تحياتي/أحمدالعدل
ليست هناك تعليقات:
إرسال تعليق