كنت ماشي ع الدرب صدفة
حسيت في شي دق بي كتفي
قلت عادي بتصير ع الطرقات
وع الدرب وحدي بعدني مكفي
انا وماشي ع الهدى الخطوات
قلبي عزف نغمات مختلفة
شوية شوية زادت الدقات
وزاد الحنين وزادت اللهفة
وع الدرب عم إسمع صدى نغمات
وإسمع همس ناعم على المخفي
شميت ريحة مسك وعطورات
هيدا العطر مارق على أنفي
بديت إسترجع شريط الذكريات
وإفرك جبيني بي قفا كفي
عطر اللي شميتو أنا بالذات
هيدا عطر عشاق محترفي
وانا عم فكر وعم تمرق اللحظات
حسيت ماشي معي طيف متخفي
وبديت عا مسمعي توضح الهمسات
وبلشت إفهمها نتفة ورا نتفة
وصرت عم إسمع صدى الضحكات
وهمسات عم تذكر إسم ولفي
وحكيت معي ع الهدى كلمات
بتنم عن معرفي وعدم كلفة
قالت حبيبي وقتها حسات
بلهفة ع قلبي فاتت بخفة
بلهفة صرخت يا قاضيا الحاجات
هيدا الحدث مو جاي بالصدفة
ليست هناك تعليقات:
إرسال تعليق