قلبي معك لو كنت بطراف الدني
برحل إلك كل يوم كل لحظة وسني
بجبلك معي سلال الهوى وكروم
وأشواق مابتساعها بيادر جني
برحل إلك بعواطفي وبشعور
بغروب لما يصبحك بالنور
عاجناح نجمة وعا ضهر بابور
وعابساط غيمة عاشقة ومولدني
بجبلك معي حكايات عن قعدات
وعن دندنة عود ورقص نغمات
وعن عين كانت تنطر العتمات
تايعجنو الراحات عجن المعجني
لو تبعدي مابتطلعي من البال
مادام عندي شارب ورجال
استني لحتى تظبط الأحوال
تالحب فينا يكون سلطان وهني
ليست هناك تعليقات:
إرسال تعليق